ياعمري الدنيا ماتسوى

ياعمري الدنيا ماتسوى تنام وخاطرك زعلان
ولابه شيء يستاهل يخلي قلبك يعاني
طلبتك كان لي خاطر تباعد عنك الاحزان
فديت عيونك الحلوه تبسم لو على شاني
حبيبي صار لي مده أشوفك تايه وحيران
وأنا والله لوشفتك حزين أتزود أحزاني
أنا والله أحبك ولا أبيك تعيش بدنيتك ندمان
ترى الأيام محسوبه وتالي ذا العمر فاني
تصدق بسمتك والله تفرح خاطري الولهان
يطير من الفرح قلبي وأصير بعالم ثاني
ولمن شفتك بضيقه أحس أني أنا الغلطان
أعاتب نفسي بنفسي ولو ماكنت أنا الجاني
غلاك بداخل عروقي ولا يوصل غلاك إنسان
يمر الوقت ويثبت لك غلاك إن الله أحياني
بضحي بعمري لعيونك تنام أنت وأنا سهران
وأنادي جروحك لقلبي وتجي واحد ورى الثاني



م
ن
ق
و
ل